गजल

by Ram chandra Timilsina 6:52 PM 0 comments

मरिमरि बाँचिएको बिगतको कुरा हो यो
टेक्ने हाँगो भाँचिएको बिगतको कुरा हो यो

सपना देख्नु मात्र थियो निदरिमा तिमीसंग
चाहना यो साँचिएको बिगतको कुरा हो यो

कस्तो माया खोज्दछन खै मतलबी यो दुनियामा
माया मेरो जाँचिएको बिगतको कुरा हो यो

झुठो माया आफ्नो सम्झी बाँच्नु गल्ति मेरै थियो
खुसि हुँदै नाँचिएको बिगतको कुरा हो यो

कोमल मिठो निस्वार्थ लगाएको माया मेरो
भौतिकतामा दांजिएको बिगतको कुरा हो यो

देख्थें प्रेम आँखाभरी दुबो सरी मौलाएको
माला जस्तै गाँसीएको बिगतको कुरा हो यो

उजाड भयो बंगैचा यो हराभरा पिरतीको
मायाप्रेम बाँझिएको बिगतको कुरा हो यो
मरिमरि बाँचिएको बिगतको कुरा हो यो
टेक्ने हाँगो भाँचिएको बिगतको कुरा हो यो