सपना

by Ram chandra Timilsina 10:22 AM 2 comments

ढुंगा फूटाएर पानीको मुहान खोजियोस
पहाड फूटाएर राजमार्ग खोलियोस
खोला खोलामा बत्ति निस्कियोस
गरा गरामा धान उम्रियोस

सर्लाहीको धान मनाङको पेटमा पुगोस
मुस्ताङको स्याउले झापा अगाओस
सगरमाथाको सिरेटो केचानाकल पुगोस
चितवनको न्यानो हुम्ला फैलियोस

ढलेका संरचना नेपालि हातले उठून
पहाड संकटमा पर्दा मधेसी जुटुन
हिमालको घाउमा तराइले मलम लगाओस
माटोको प्रेम जनजनमा छाओस

यहाँ कोठामा हैन पातपातमा बत्ति बल्न सक्छ
काठमान्डौ र बाजुरा जोड्ने रेल चल्न सक्छ
हाम्रा उत्पादनसीलताले समाज रंगित हुनुपर्छ
बिकासको आनन्दले देश तरंगित हुनुपर्छ

चुरेका पहाड बाट खनिज निकालेर अब
सक्दैनौ बिकासका सपना बस्न पालेर अब
परिबर्तनका किरण बोकेर उषा हर बिहानमा
बन्नेछ दुर्तमार्ग अब नेपालकै अभियानमा

रोल्पादेखि मोटर चढ्न दाङ झर्नु नपरोस
औसधि नपायर कुनै नेपालि मर्नु नपरोस
उपकारको भिख लियर हाँस्नु नपरोस
स्वाभिमान गिराएर बाँच्नु नपरोस
स्वाभिमान गिराएर बाँच्नु नपरोस